കുടുംബവും നാട്ടുകാരും വിവിധ സംഘടനകളും പൊലീസ് സ്റ്റേഷന് മുന്നിൽ നടത്തിയ പ്രതിഷേധങ്ങൾക്ക് ഒടുവിലാണ് നടപടികളിലേക്ക് പൊലീസ് കടന്നത്. സ്റ്റേഷൻ ജാമ്യത്തിൽ ഇറങ്ങിയ 17കാരനെ വീണ്ടും അപ്രിഹെൻഡ് ചെയ്‌ത് ജുവനൈയിൽ ജസ്റ്റിസ് ബോർഡിനു മുന്നിൽ ഹാജരാക്കുകയായിരുന്നു.
പ്രതിയായ 17കാരന് ജാമ്യം ലഭിച്ചതിനെതിരെ നിയമനടപടിയുമായി മുന്നോട്ടുപോകുമെന്ന് മരിച്ച ജയബാലകൃഷ്ണണൻ്റെ കുടുംബം വ്യക്തമാക്കി. നിലവിലെ പൊലീസ് നടപടിയിൽ തൃപ്തരാണെന്നും നീതിക്കായി ഏതറ്റം വരെയും പോകുമെന്നും ബന്ധുക്കൾ പ്രതികരിച്ചു. അഡീഷണൽ സെഷൻസ് ജഡ്‌ജിയുടെ മകനാണ് വാഹനമോടിച്ച 17 കാരൻ. കുട്ടിയുടെ പിതാവും വാഹന ഉടമയുമായ അഡീഷണൽ സെഷൻസ് ജഡ്‌ജിയെയും കേസിൽ പ്രതി ചേർക്കും.
ചേരാനെല്ലൂർ കണ്ടെയ്‌നർ റോഡിന് സമീപം ഇന്നലെ പുലർച്ചെയാണ് അപകടം ഉണ്ടായത്. ജോലി കഴിഞ്ഞ വീട്ടിലേക്ക് മടങ്ങുകയായിരുന്നു ജയ ബാലകൃഷ്‌ണൻ. നാട്ടുകാർ എത്തി ജയപാലകൃഷ്ണണനെ ആശുപത്രിയിൽ എത്തിക്കാൻ ശ്രമിച്ചെങ്കിലും അപകടം നടന്ന സ്ഥലത്ത് വെച്ച് തന്നെ മരിച്ചു. ഓടിക്കാനുള്ള ആഗ്രഹം കൊണ്ടാണ് കാർ എടുത്തതെന്നും, അപകട സമയത്ത് മഴയുണ്ടായിരുന്നു എന്നുമാണ് പതിനേഴുകാരൻ്റെ മൊഴി. അപകടമുണ്ടാക്കിയ വാഹനം അമിത വേഗത്തിലായിരുന്നുവെന്ന് പൊലീസ് അറിയിച്ചു. 104 കിലോമീറ്റർ വേഗതയിലാണ് വണ്ടി ഓടിച്ചിരുന്നതെന്നാണ് പൊലീസ് പറയുന്നത്.
ഇതിന്റെ കൂടി അടിസ്ഥാനത്തിലാണ് പ്രതിക്കെതിരെ നരഹത്യ വകുപ്പ് കൂടി ചുമത്തിയത്. മോട്ടോർ ആക്ടിൻ്റെ 181,183 വകുപ്പുകൾ കൂടി ചുമത്തിയിട്ടുണ്ട്.
Post a Comment